ಆ ಶ್ರೀಮಂತೆಗೂ ಆ ಬಿಕ್ಷುಕನಿಗೂ ಇದ್ದದು ಆ ಒಂದು ಸಣ್ಣ ಗೆರೆ

ನಾನು ನನ್ನದು ನನ್ನ ದಾಹ...

ನಮ್ಮ ದೇವಾಲಯದಲ್ಲಿ ಎಲ್ಲಾ ಬೇಸಿಗೆ ರಜೆಗಳಲ್ಲಿ ಕೆಲವು ಆಕ್ಟಿವಿಟೀಸ್ ಗಳನ್ನ ಮಕ್ಕಳಿಗೆ ಅಂತಾನೆ ಹಮ್ಮಿಕೊಂಡಿರ್ತಿವಿ.

ಅದು ಕೇವಲ 1 ವಾರ ಅಷ್ಟೆ. ನಮ್ಮ ಗುರುಗಳು ತುಂಬಾ ಒಳ್ಳೆಯವರು...... 

ಮಕ್ಕಳಿಗೆ ಬೇಕಾದ ಬಿಸ್ಕೆಟ್ ಮತ್ತು ಜ್ಯೂಸು ಇವೆರಡನ್ನೂ ತುಂಬಾ ಮುತುವರ್ಜಿ ವಹಿಸಿ ಏರ್ಪಡಿಸುತ್ತಾರೆ..... 

ಈ ಜ್ಯೂಸು ಮತ್ತು ಬಿಸ್ಕುಟ್ ಹಂಚೋ ಕೆಲಸದಲ್ಲಿ ಸಹಜವಾಗಿ ನಾನು ಕೆಲಸ ನಿರ್ವಹಿಸಿದ್ದೆ. 

ಈ ಸಂದರ್ಭ ಒಂದು ಸಣ್ಣ ಘಟನೆ ನಡೆಯಿತು. ಅದನ್ನೇ ಹೇಳೋಣ ಅಂತ ಇಲ್ಲಿ ಬರೀತಿದ್ದೀನಿ. 

ಸುಮಾರು 11 ಗಂಟೆಗೆ ಮಕ್ಕಳಿಗೆ ಬ್ರೇಕ್ ಕೊಟ್ಟು ಜ್ಯೂಸು ಹಂಚಿದ್ದಾಯಿತು. ಈ ಸಂದರ್ಭದಲ್ಲಿ ಏನಿಲ್ಲಾಂದ್ರೂ 5 ರಿಂದ 10 ಲೋಟ ಜ್ಯೂಸು ಆದ್ರೂ ಒಮ್ಮೊಮ್ಮೆ ಮಿಕ್ಕುತ್ತೆ. 

ಈ ಮಿಕ್ಕಿದ ಜ್ಯೂಸು ನ ಅಲ್ಲೇ ಕಾಯ್ಕೊಂಡು ಕೂತಿರೋ ಕೆಲವು ಅಪ್ಪ ಅಮ್ಮಂದಿರಿಗೂ ಕೊಡೋದು ವಾಡಿಕೆ. 

ಕೆಲವುರು ತಗೋತಾರೆ.... ಕೆಲವುರು ಇಲ್ಲ ಬೇಡ ಅಂದು ಬಿಡತಾರೆ. ಹಾಗಂತ ತುಂಬ ಪೋಷಕರೇನೂ ಕಾಯ್ಕೊಂಡು ಕೂತಿರೋಲ್ಲ.

ತೀರಾ ಸಣ್ಣ ಮಕ್ಕಳಾಗಿದ್ದರೆ ಒಂದೋ ಎರಡು ಹೆಂಗಸರು ಅಷ್ಟೆ. 

ಈ ಮದ್ಯದಲ್ಲಿ ಕೆಲವು ಭಕ್ತರು ದೇವಾಲಯಕ್ಕೆ ಬಂದು ಹೂಗೋದುಂಟು. 

ಅವರು ಕೆಲವೊಮ್ಮೆ ದೇವಾಲಯದ ಮೆಟ್ಟಿಲಲ್ಲಿ ಕಾಣಲಿಕ್ಕೆ ಸಿಗ್ತಾರೆ. 

ಹೀಗೆ ಅದೊಂದು ದಿನ ಬಹಳ ಒಳ್ಳೆ ಡ್ರೆಸ್ ಮಡಿದ ಸುಮಾರು 4೦ ರಿಂದ 45 ರ ಆಸುಪಾಸಿನ ಭಕ್ತೆಯೊಬ್ಬಳು ಅಲ್ಲಿಗೆ ಬಂದಿದ್ದಳು. 

ಅವಳು ಆಗರ್ಭ ಶ್ರೀಮಂತೆಯೇನು ಅಲ್ಲದಿದ್ದರೂ ಮಾದ್ಯಮವರ್ಗಕ್ಕಿಂತ ಸ್ವಲ್ಪ ಮೇಲು ಅಂತಾನೆ ಹೇಳಬಹುದು. 

ಸರಿ.... ಈಗ ಈ ಹೆಂಗಸು ಬಂದಾಗ ನಮ್ಮ ಜ್ಯೂಸು ಬಿಸ್ಕುಟ್ ಹಂಚೋ ಕಥೆಗೆ ಬರೋಣ. 

ಅಂದು ನಾನು ಎಲ್ಲಾ ಮಕ್ಕಳಿಗೆ ಜ್ಯೂಸು ಹಂಚಿ ಉಳಿದಿರೋ ಜ್ಯೂಸು ನ ಅಲ್ಲಿ ಕುಳಿತಿರುವ ಆ ಪೋಷಕರಿಗೆ ಹಂಚಲು ಅದೇ ಟ್ರೇ ನಲ್ಲಿ ತಗೊಂಡು ಹೋದೆ. 

ಆ ಸಂದರ್ಭದಲ್ಲಿ ಆ ಭಕ್ತೆ ಕಂಡಳು. 

ನಾನು ಜ್ಯೂಸು ತಗೊಂಡು ಮೆಟ್ಟಲು ಹತ್ತೋವಾಗ ಅವಳು ನನ್ನನು ಗಮನಿಸಿದ್ದು ನನ್ನ ಗಮನಕ್ಕೆ ಬಂತು. 

ಸರಿ ನಾನು ಹೇಳಿದೆ "ಮೇಡಂ ಜ್ಯೂಸು ತಗೋಳಿ "  

ಆ ಭಕ್ತೆ ಅವಕ್ಕಾದಳು 

"ಇಟ್ಸ್ ಓಕೆ"

ಅಂದರೂ ಅವಳ ಮುಖದಲ್ಲಿ ಬೇಸಿಗೆಯ ಸೆಕೆ ಎದ್ದು ಕಾಣುತಿತ್ತು. 

"ಮಾಮ್ ಪ್ಲೀಸ್ " ಎಂದೇ ನಾನು.......... 

ತಕ್ಪಣ್ಣಕ್ಕೆ ಜ್ಯೂಸು ತಗೊಂಡು ಸ್ಟೈಲ್ ಆಗಿ ಹೀರುತ್ತಾ ಕೂತಳು,,, 

ಈ ಗ್ಯಾಪ್ ನಲ್ಲಿ.......... 

ನನ್ನ ಮನೆ ದೇವಾಲಯಕ್ಕೆ ತುಂಬಾ ಹತ್ತಿರ..... 

ಅಂದು ನನ್ನ ಚಿಕ್ಕ ಪಾಪು ಮನೆಯಲ್ಲಿ ಇದ್ದಿದ್ದರಿಂದ 

ಪಟ್ಟನೆ ಮನೆಗೆ ಹೋಗಿ ನೋಡಿ ಬರೋಣ ಅಂತ,,,,,,, ಟ್ರೇ ನ ಅಲ್ಲೇ ಇದ್ದ ನನ್ನ ಸಹೋದ್ಯೋಗಿ ಕೈಯಾಯ್ಲ್ಲಿ ಇರಿಸಿ...... 

ಸರ ಸರನೆ ಹೆಜ್ಜೆಯಿಡುತ್ತ ಹೊರಟೆ........... 

ದೇವಾಲಯದಿಂದ ಹೊರಗೆ ಗೇಟ್ ನ ಬಳಿ ಬಂದ ನನಗೆ ಆ ಭಕ್ತೆ ಕಾಣಿಸಿದಳು. 

ಯಾರಿಗೋ ಕಾಯುತಿದ್ದಳು....... 

ಅದೇ ಸಂದರ್ಭ ಇನ್ನೇನು ನಾನು ಅವಳನ್ನು ದಾಟಿ ಹೋಗಬೇಕು.... 

ಅಲ್ಲಿ ಬಂದ ಒಬ್ಬ ಭಿಕ್ಷುಕ......... 

11 ಗಂಟೆ ಅಂದ್ರೆ ಯೋಚಿಸಿ............. 

ಉರಿ ಬಿಸಿಲು.... ಅವನು ಆ ಭಕ್ತೆಯ ಕಡೆ ಕೈ ಒಡ್ಡಿ ಏನೋ ಬಿಕ್ಷೆ ಕೇಳಿದ........ 

ನಾನು ಫ್ರೀಯಾಗಿ ಕೊಟ್ಟ ಜ್ಯೂಸುನ್ನು ಕುಡಿದ ಆ ಮಹಿಳೆಯ ರಿಯಾಕ್ಷನ್ ನೋಡ್ಬೇಕಿತ್ತು.......... 

ಆ ಭಿಕ್ಷುಕನ ಕಡೆಗೆ..............."ಅಯ್ಯೋ ಹೋಗಯ್ಯಾ............ ನಿಂಗೆ ನಾನೇ ಬೇಕಿತ್ತಾ??????????" 

"ಬಂದು ರಗಳೆ ಮಾಡ್ಲಿಕ್ಕೆ ನಿಂಗೆ ದುಡಿದು ತಿನ್ನಲು ಸಾಧ್ಯವಿಲ್ವಾ? ಹೋಗಯ್ಯಾ ಹೋಗು" ಎಂದಳು...........

ಅವಳ ಆ ವ್ಯವಹಾರ ಅವಳ ಆ ಮುಖದ ರಿಯಾಕ್ಷನ್ ನೋಡಿ ನನಗೆ ಅನಿಸಿತು................. ಅಪ್ಪಾ ತಂದೆ ಇವಳಿಗಾ ನಾನು ಜ್ಯೂಸು ಕುಡಿಯಲು ಕೊಟ್ಟಿದ್ದು ? 

ಒಂತರ ಇವಳು ಕೂಡ ಕುಡಿದದ್ದು ಬಿಕ್ಷೆಯ ಜ್ಯೂಸು ಅಲ್ವೇ ??????? 

ಆ ಒಂದು ಸಣ್ಣ ಗೆರೆ ಆ ಬಿಕ್ಷುಕನಿಗೂ ಇವಳಿಗೂ ಅಲ್ವೇ ? 

ಅವಳೂ ಕುಡಿದದ್ದು ಧರ್ಮಕ್ಕೆ .............ಇವನು ಕೇಳಿದ್ದು ಧರ್ಮಕ್ಕೆ. 

ಅವನು ಹೊಟ್ಟೆಗಿಲ್ಲದಿದ್ದರೂ,,,,,,,,,,,,,, ಕೇಳಿದರೂ ಸಿಗಲಿಲ್ಲ ..... 

ಇವಳಿಗೆ ಹೊಟ್ಟೆಗಿದ್ದರೂ ಕೇಳದೇನೆ ಸಿಕ್ಕಿತ್ತಲ್ಲ. 

ಎಂಥ ವಿಪರ್ಯಾಸ ?

ನನಗೆ ಅನಿಸಿತು..... ಛೆ ಸ್ವಲ್ಪ ಮೊದಲು ಈ ಭಿಕ್ಷುಕ ಬಂದಿದ್ರು 

ಗೇಟಿನ ಒಳಗೆ ಕರೆದು ಅವನಿಗೂ ಒಂದು ಗ್ಲಾಸ್ ಜ್ಯೂಸು ಕೊಟ್ಟಿದ್ದಿದರೆ...... 

ಈ ಮಹಿಳೆಗೆ ಅವಳೂ ಅವನಿಗಿಂತ ಹೊರತೇನಲ್ಲ'''''' 

ಎಲ್ಲರೂ ಒಂದಿಲ್ಲ ಒಂತರ ಭಿಕ್ಷೆಬೇಡಿ ತಿನ್ನುವವರೇ 

ಅನ್ನೋ ಒಂದು ಪಾಠ ಖಂಡಿತ ಕೊಡಬಹುದಿತ್ತೇನೋ.. 

ಎಲ್ಲಾನು ಪಟ್ ಅಂತ ತಲೆಗೆ ಬರಲ್ಲ ರೀ 

----------------------------------------------------------------------------------

ನಾನು ನೋಡಿದ ಗಮನಿಸಿದ ಮನಮುಟ್ಟವ ಸತ್ಯಘಟನೆಗಲ್ಲನ್ನೇ ಹೆಚ್ಚಾಗಿ ಬರೆಯಲಾಗಿದೆ. ನನ್ನ ಕಥೆ ಕವನ ಹಾಗು ನಿಜ ಜೀವನದ ನಿಶ್ಯಬ್ದ ಕಥೆಗಳು ಇಷ್ಟವಾದಲ್ಲಿ ನಿಮ್ಮ ಅನಿಸಿಕೆ ಬರೆಯಲು ಮರೆಯದಿರಿ ಇತರರಿಗೂ ಶೇರ್ ಮಾಡಲು ಮರೆಯದಿರಿ 

ನಿಶ್ಯಬ್ದ ಘಟನೆಗಳು